PR, pinnebrød og sumar

I går kom avisa med intervjuet vårt. Tragedie. Sjølv om eg var den som for ein gongs skuld ikkje sa noko særleg, verka det som det var berre eg som va intervjua.
Og for dei som les "Ryfylke", så veit dei no at eg snakkar fem språk. Bullshit.
Lene sa det for tull, for når eg kjem heim, vil eg (forhåpentlegvis) snakke flytande portugisisk, dansk, norsk og ca flytande engelsk, og i tillegg pittelitt fransk og tysk.
Dette tok jo sumarvikaren med, sjølv om ho sa at ho ikkje skulle skrive det. "Big deal" tenkjer du, men i Sauda veit ALLE på ein eller annan måte kven eg er, og eg har 43 dagar igjen her. Det vert nok utallege dumme samtalar om det.

Jaja, "all PR er god PR" seier Åshild.
Me skal ha avskjedsdate på fredag, for på søndag drar eg og Nikolai til Stavanger, og så vidare til Málaga, Spania på mandag.

I dag reiste Sigrid, Eirik og Ingrid. Endeleg skal eg få sove lenger enn til kl 8. Greit at niesa mi er nydeleg, men ein får nok når ho byrjar å hyle (ikkje berre vanleg gråt her i huset; HYLING! Ho kvin som ein hysterisk gris) frå kl 6 om morgonen. Jaja, ein må lide for å ha ein stor familie.

Seinare i dag reiser foreldra mine på ferie, så då er eg og brorsan åleine heime resten av veka.

I forgårs var eg og Kristina på telttur på haugen bak huset vårt. Koseleg!:) Endeleg er det ordentleg sumar, slik ho skal vere:) ah, pinnebrød, pølser, marshmallows og nydeleg utsikt. A vida é bela:)


Véret i dag er heilt nydeleg. Endeleg. No skal eg sole meg:)