Merkeleg draum

Språkdilemma; nynorsk, dialekt eller bokmål?
Eg tek nynorsk, for å vere litt rebell(H)

No er kjære Ingrid på veg til Oslo. IIiiiik! I morgon flyr ho til Tasmania. Tida flyr! Eg hugsar at ho sa at "no er det berre 8 veker igjen", og det verka lite. Jaja, på onsdag er ho der.
Det er snart min tur. To mnd til avgang i går.
Flyr kl 16.30 frå Gardermoen 5. september (Sigrid sin bursdag!:O ), og er framme ca tre timar seinare, kl 19.40.
Tralala, eg er spent. Vil gjerne vite kor eg skal snart!

I helga har eg vore på hytta til Nikolai:) Koseleg.
I natt drøymde eg utruleg verkeleg og heilt sjukt. (nei, ikkje noko sjokk det da, eg er kjend for sjuke draumar).

DRAUM: Eg hadde fått vertsfamilie. Det var slik at eg fekk lov å besøke dei først for å sjå korleis dei var før eg takka ja. Det var eit gammalt ektepar, på ca 70 år, og dei hadde ein svær hund og ein kanarifugl, og budde i Sveits eller liknande. Byen lå på ein bratt fjellskrent, så alle gatene var sånne hårnålsvingar. Dei budde i eit svært tårn, og det var gamleheim i etasjen under. Det einaste dei gjorde var å drikke kaffi og vere med dei på gamleheimen, så huset heile tida var fullt av gamle, senile folk.
Etter at eg hadde vore der, fann eg ut at det var den familien Åshild først hadde fått tilbod om, og ho hadde takka nei til å kome dit.
Eg visste ikkje kva eg skulle gjere, for det var jo ikkje slik eg ville bu, men viss eg sa nei, var det jo ikkje sikkert eg fekk nokon annan familie. Stort dilemma, og eg trur aldri eg bestemde meg. Eg var innpå AFS.no, og der stod det at pga mangel på vertsfamilie var reisen til Brasil og Venezuela flytta frå 8. august til 8. september.

Og så vakna eg.


Spesielt, ja. Men tenk viss eg får ein sånn familie? Det kan jo godt vere det. Eg har liksom innstilt meg på at eg får ein familie slik som dei andre, med ungar og sånt, men eg kan jo like godt kome til eit einsamt par, eller ein einsleg. uff, det har eg ikkje lyst til.

Jaja, no skal eg støvsuge. Eg kan ikkje spele fotball i Hellansbygd i dag, for fotballskoa mine er så små at eg har fått betennelse under storetånagla på venstre fot, og eg har ikkje fått nye enno. Æsj, eg må byrje å trene meir igjen. Sommarjobb gjer meg sløv. I Portugal har eg store planar om å starte eit nytt og mykje betre liv:)