Intervju ++

Idag har lokalavisa Ryfylke intervjua Åshild(Arizona, USA), Lene(Arkansas, USA) og eg om utvekslingsåret. Haha:)
Trur nok det vert nokre bra bilete i alle fall.

No byrjar eg å verte utålmodeg. Det er litt kjipt å måtte reise så lenge etter dei andre, eigentleg. Eg vil reise no. Men det er nesten to mnd igjen. Heldigvis går tre av vekene til med reising utanlands, og då reknar eg med at tida går fort. Spania vert i alle fall bra. Treng litt sol før eg flytter! Det har vore overskya stort sett heile ferien, føler eg. Dei dagane det har vore sol og varmt, måtte eg jobbe.. No har eg fri, og eg håpar véret betrar seg. Det er litt sol ute no :)

Om to veker drar eg til Màlaga, Spania med Nikolai:) Før den tida må eg ta avskjed med Åshild. Ho drar 6. august, og då er eg i Danmark. Hjelp, eg hatar avskjedar.
Me må finne på noko koseleg=)
Màlaga vil vere den siste veka mi med Nikolai; me tek avskjed på flyplassen i Stavanger når eg skal fly til Danmark, og han skal heim. Drama. Uff.

Men eg er rastlaus og utålmodig, og eg vil gjerne ha destinasjon og familie og flybillett med ein gong!