Nonsens om kvardagar

MIN FØRSTE DRAUM PÅ PORTUGISISK.
Wow. Hadde ein i går og. Ikkje så vilt imponerande, for det førte berre til at eg faktisk ikkje forstod alt draumepersonane sa. Hjernen min fascinerar meg av og til.

Chill å vere blond.
Eg slengde meg i bilen for å bli med å handle. Ikkje tid til sminke, og satte berre håret opp i ein dult. Likevel kunne eg like godt vore Cameron Diaz eller noko.
Eg såg meg i speglen på vei til jobben til Dúlio, og stønna litt over det lyserosa nasen min. Mâe derimot meinte at eg ikkje burde bekymre meg,for eg var så fin at. Det var Nikolai som måtte bekymre seg sa ho. Hah, ja jøss:P Hadde det vore i Noreg hadde det vore eg så var redd for at han framleis ville ha meg^^
Dúlio er friviljug i Raude Kross, og satt og testa blodsukkeret og blodtrykket på folk som gjekk forbi.
Han som testa meg glodde uhemma.Og sjefen deira hadde aldri sett ein så vakker augenfarge som min. Halleluja. Dei hadde verkeleg gått i spinn, hadde dei kome til Noreg.

Jaja, nok egoprat.

Portugiserar har verkeleg god tid. Planane mine om å verte meir punktleg har gått i vasken allereie.
For to dagar sidan var eg litt sein å stå opp, og eg blei køyrd til skulen. Me satte oss i bilen 8:19, og eg byrjar 8:20. Det tek ikkje lang tid å køyre dit, men når eg endeleg stressa meg gjennom porten, fann eg klassen min sitjande og vente, og mange hadde ikkje kome endå. Historielæraren kom ikkje, så då gjekk ein gjeng bort på caféen over gata og spelde kort til neste time.

Me har 15 min friminutt mellom dobbeltimane. Når det er fire minutt igjen, bestemmer nokre seg for å gå litt ned i gata og kjøpe mat, og kjem tilbake ti min seinare, rett før læraren.
Trur ikkje det er fare for å kome for seint nokon gong.

I går køyrde eg, Mâe og Dúlio til Setúbal fordi han skulle søkje skuleplass. Han henta meg på skulen, og når me kom heim sa han at me måtte køyre sånn rundt kl 2. Ok.
Klokka kvart over 3 køyrde me, og kom til universitetet ti min før søknadsfrista gjekk ut.
Jauda:)

Skulen er lattarleg lett, bortsett frå språket. Foreløbig iallfall.
Faga mine er;

MACS(samfunnsrelatert matte)
Portugisisk
Engelsk/fransk
Historie
Filosofi
Gym
Geografi

Matten er tragisk. "Her er eit kart over metroen i Lisboa. 1) kor mange linjer er det? -Svar: 4. 2) Kor mange måtar kan du kome deg frå A til B på? - Svar: 2"
Jepp, seriøst.
Dei faga som til no verkar interessante er filosofi og portugisisk. Problemet er vel berre at det er akkurat der det er mest prating involvert. Jaja, portugisisklæraren syns eg prata veldig bra til å berre ha vore her i to veker:)
Engelsken? gjett sjølv. Fyrste time starta med at me skulle fortelle om oss sjølve, og kva me hadde gjort i ferien. Tenk dykk, elevar som er mellom 16 og 18 år greide såvidt å seie "My name is.." rett. Eg kunne vel prata i ein halvtime om interessar og sommarferien min.
Engelsklæraren min har meir aksent enn meg. Trur ho mislikar meg fordi eg kommenterte ein feil i fasiten.
Kanskje eg tek fransk, men her har dei hatt det sidan 7. klasse, så det vert kanskje litt vel tungt.

I går fann eg ut at eg greide å bruke den kvite buksa mi utan belte, så da tok eg meg saman og heldt meg vekke frå unaudsynt mat (det er det ellers meir enn nok av), og jogga ein lang tur. Deilig med gangsperr:)
Mâe har fått for seg at me skal vere med på eit løp over Ponte de 25 Abril (den kjende raude i Lisboa) neste helg. Haha:D Greit for meg, men ser ikkje for meg ho:P Ho seier heile tida; "Diéta, Julie, Diéta" og så tek ho ei kake. :) "Neste veke skal eg vere like tynn som deg" Jauda, har trua på den:) Men gubbe, for ei søt dame.

No skal me snart ete (bombe).
I morgon har dattera til venner av familien bursdag, og me skal i selskap. Mat mat mat:) Men det er kjempegodt då^^ Blir tjukk på ein forhaldsvis sunn måte. Mykje fisk og suppe og grønnsaker. No er det kylling.
Viss eg berre lar vær å putte sukker på alt som dei gjer, går det nok fint.

Eg må berre nemne det;
Det er sånne greie drikkeyoghurtar her på 1,25 dl som alle drikk heile tida, og me har i kjøleskapet. Eg kom til å sjå på næringsinnhaldet. Èin av dei små tinga dekkjer 25,4% av ein vaksens persons dagsbehov av sukker!
Ikkje fleir slike iallfall;)

Jaja, litt sånn nonsens som folk (Åshild) etterlyser;)
Har det fint enno:)