Siste...

Siste dag i Sauda, siste middag (fårikål<3), siste gong på lenge eg ser dei nydelege vennene mine. Eg har kraftig reisefeber, og dei verste humørsvingingane eg har hatt.
Våkna med eit rykk eit kvarter før alarmen, og trudde eg skulle dra til Oslo i dag.

I norsktimen åt me sjokoladekaka eg baka i går kveld:) Koseleg. Alle er så søte:)
Kjem til å sakne dykk masse! Det vert rart å ikkje møte dei same fjesa kvar morgon.
Det er godt å vite at dykk (forhåpentlegvis) er her når eg kjem att.

Denne siste tida har vore heilt topp:) Sist helg såg eg, Irene og Eirin "Varg Veum", og så bada me i Rødstjødna kl halv to om natta. Herleg!
På tysdag var eg og Eirin på Sauda Revy og Teaterlags førestilling "fyr og flamme" basert på tekstar av Kjartan Fløgstad. Utruleg gøy:)

Denne helga var Irene på austlandet, dumme ungen, så ho gjekk glipp av den siste jentekvelden min. Kristina var åleine heime, så eg baka pizza, og me var der og prata og åt og såg film på TV. Eg og Kristina overnatta hos kvarandre for siste gong. Ah, koseleg.










No er bl.a. ho og Cathrine på bretur med idrettsklassen. Håpar det er gøy, jenter;)

Eg har ein underleg kjensle i mellomgolvet. Skrekkblanda fryd er vel den beste beskrivinga.
Trist å sei hadet til alle, men tenk kva som ventar meg. Kva vert skuledagane uten Irene og Eirin og alle dei andre? Og ikkje minst Hallvard? Stakkar, alle reiser frå han:P

Jaja, fekk masse gode klemmar i dag, og eg og Irene åt ein siste is ilag på Bryne:) Trur du ikkje Eirin kom på besøk for å ta avskjed kl 5, før ho skulle på jobb. Herleg jente, må eg sei. Herleg! Sjå kva ho hadde med:














Bamsar med henhaldsvis "Du er helt unik" og "Verdens beste veninne" på t-skjortene, pluss eit hefte med bilete og masse koseleg! Haha, Eirin, du får sagt det du:) Eg lo gjennom alt^^

"Julie: ser du ikke på nyhetene?
Eirin: Nei?!
Julie: Du lese VG hvertfall?
Eirin: eeh, nei egentlig ikke."

Haha, du er herleg!
Klart eg ikkje gløymar dykk! Trur ikkje det går an;) Stuck in my heart :)<3

Ok, skal ikkje verte for sentimental og klissete. I morgon kl halv ni kjem Linda med foreldre for å hente meg, og eg skal køyre med dei til Oslo, overnatte på hotell, og deretter smeller det.
Like greit at eg ikkje skal ha med foreldra mine på flyplassen.
Det er ikkje så trist å ta avskjed her heime, trur eg.

Eg kan ikkje forstå at eg er på veg bort. Kan ikkje sjå for meg at eg ikkje skal sove i denne senga på ein evighet.

Don't get me wrong, eg er i ekstase. Dette vert det beste nokonsinne!:D Berre uverkeleg.

Livet mitt veg presis 20.0 kg(eg er stolt): Har kanskje litt i overkant mykje handbagasje, men eg får smiske med vaktane på flyplassen.
Nå skal eg ta min siste dusj i Sauda, og så skal eg fikse litt meir.


For å toppe kransekaka er dette det siste innlegget mitt før eg drar. Haha, skulle tru eg skulle døy:)

Wish me luck!
Dette er galskap! Og kunne ikkje passa meg betre;)
Kjem til å sakne alle massemasse, men eg kjem sterkt tilbake:D

Portugal, here I come!