Dativ og bankkort

Eg har ikkje høyrd meir frå familien eller AFS, men føler ikkje eg vil mase, så eg ventar.

På fredag var eg på litteraturkveld på smelteverket. Var positivt overraska! Var der pga novellekonkurransen eg var med i, og jammen kom eg på 2. plass:) hoho, fekk ein sjekk på tusen kroner utlevert av Saudas store son, Kjartan Fløgstad. Herlig:D Starten på min karriere som forfattar;)

I går skulle eg til Stavanger med Hallvard og møte Linda og handle og slappe av. Trur du ikkje alarmen min var innstilt til berre å ringje mandag-fredag, og det hadde eg gløymd ut. Eg vakna 06.58, og båten gjekk 06.55.
Dårlig, dårlig start på dagen. Men det vart betre av at véret var fint, og at Noreg drog i land ein heidundrande siger mot Russland i handball! Fekk tårer i augo og frysningar. Flottaste handballkampen eg har sett. ah<3.

I går kveld var eg og Irene hos Eirin og såg Varg Veum, og etterpå bada med i Rødstjødnå kl ca halv 2. Herlig:D
Låg hos Irene, og me laga pannekaker til frokost:)

Ellers hende det noko sjokkerande i går; Eg forstod bruken av kasus på portugisisk. Det er jo ikkje noko vanskeleg eigentleg! Lærarar er dårlege til å forklare, for eg forstod det aldri i tysktimane.

I morgon skulkar eg og Linda skulen (som me eigentleg ikkje går på no), for å dra på shopping i Haugesund. Ein trøst sidan eg forsov meg i går. Skal handle gaver til vertsfamilien og litt nødvendigheter til opphaldet mitt. Det skal verte koseleg:)

DnB er teit. Eg skal skifte til SR-bank fortast mogleg. Tirsdag vert det vel. Det tek ca ei veke, så må få det unnagjort. Alt der er gratis, og det er fint:) Gratis å ta ut penger i utlandet! Ah, redninga mi. Hos dei fleste andre kostar det 25-30 kr pr gong.

Berre ei helg igjen! Merkeleg kjensle. Skal bli utruleg godt å endeleg kome avgarde, men kjem til å sakne Sauda. Alle dei søte folka på skulen, at alle kjenner kvarandre, naturen. Eg bur verdas finaste plass.
Det er litt dumt. Alle andre stadar kan ta seg ei bolle og vere misunnelege:)
Men skal prøve å ta til takke med strender og palmar. Er ikkje gale det heller, heldigvis:)